दोपाडी येथील दुर्घटनेमध्ये पिंपरी-चिंचवड अग्निशमन विभागाचे फायरमन विशाल जाधव शहीद झाले. त्यांना पिंपरी-चिंचवड महापालिका तसेच अग्निशमन विभागाकडून श्रध्दाजंली अर्पण करण्यात आली.
अग्निशमन विभाग संत तुकाराम नगर येथे श्रद्धांजली अर्पण करण्यासाठी महापौर उषा ऊर्फ माई ढोरे, आयुक्त श्रावण हर्डीकर, सत्तारुढ पक्षनेते एकनाथ पवार, स्थायी समिती सभापती विलास मडिगेरी, नगरसेविका सुजाता पालांडे, माई काटे, अतिरिक्त आयुक्त संतोष पाटील यांच्यासह अग्निशमन विभागाचे सर्व अधिकारी यावेळी उपस्थित होते.
दापोडी येथे ड्रेनेजच्या खड्ड्यात पडलेल्या तिघांना वाचविण्यासाठी गेलेल्या अग्निशमन दलाचे फायरमन विशाल जाधव मातीच्या ढिगा-यात अडकून शहिद झाले. ही घटना रविवारी (दि. 1) सायंकाळी घडली. अडीच तासानंतर त्यांचा मृतदेह बाहेर काढण्यात आला. त्यांच्या मागे पत्नी, मुलगी, भाऊ असा मोठा परिवार आहे. घटना घडल्यानंतर विशाल यांच्या भावाने तात्काळ घटनास्थळी धाव घेतली. मात्र, विशाल यांच्या जाण्याची माहिती मिळताच त्यांनी मोठा टाहो फोडला. अग्निशमन विभागाच्या जवानांसह उपस्थितांच्या डोळ्याच्या कडा पाणावल्या होत्या.
Loading ...
